#News5OnTape Personal na dumulog ang guro na si Janus Munar sa Quezon City Prosecutor’s Office, kasama ang human rights lawyer na si Atty. Chel Diokno, para maghain ng counter-affidavit kaugnay sa dalawang reklamong isinampa laban sa kaniya.

Nag-ugat ang mga kaso sa ibinahaging Facebook video ni Munar kung saan sinabing hinarang ang daloy ng traffic sa Commonwealth Ave. sa Quezon City dahil sa pagdaan umano ng isang VP noong Oktubre.

Ang complainant ng reklamo ay si Police Executive Master Sergeant Verdo Pantollano na siya mismong nakuhanan sa video na nagpahinto ng traffic at nagsabing daraan ang isang VP.

Kabilang sa mga reklamo laban kay Munar ang paglabag sa Revised Penal Code Article 154 o ang Unlawful Use of Means of Publication and Unlawful Utterances, at child abuse kaugnay sa Republic Act No. 10175 o ang Cybercrime Prevention Act.

Aminado ang guro na labis siyang naapektuhan sa pagkakadawit sa insidente. Pati aniya ang kaniyang pamilya, matinding trauma at takot ang naranasan.

Nakatakdang magbigay muna ng tugon ang panig ng complainant bago maglabas ng resolusyon ang Prosecutor’s Office. #News5 via Mon Gualvez

Follow News5 and stay updated with the latest stories!

Facebook: facebook.com/News5Everywhere
Twitter: twitter.com/News5PH
Instagram: @news5everywhere
Tiktok: https://www.tiktok.com/@news5everywhere
Website: news5.com.ph

Take the opportunity to connect and share this video with your friends and family if you find it useful.