Sapul sa CCTV ang pagsalpok ng paparating na bus sa isang lumikong ambulansya sa bus lane ng EDSA malapit sa Mega Q Mart sa Quezon City. Nangyari ang insidente bandang 12 p.m. ngayong Huwebes, September 7.

Ayon kay #MMDA traffic responder Mikko Dunga, sinubukan umanong mag-full stop o pumreno ng bus pero hindi kumagat ang preno nito. Hindi naman umano napansin ng driver ng ambulansya na may paparating na bus habang lumiliko ito sa bus lane.

Pinagbibigyang dumaan sa bus lane ang marked vehicles kapag emergency. Pero walang dalang pasyente ang ambulansya nang mangyari ang insidente.
Parehong basag ang windshield at mga salamin ng pinto ng ambulansya at bus dahil sa salpukan. Nagtamo naman ng head injury ang driver ng ambulansya.

Patuloy namang iniimbestigahan ng traffic bureau ang insidente. #News5 via Camille Samonte

Follow News5 and stay updated with the latest stories!

Facebook: facebook.com/News5Everywhere
Twitter: twitter.com/News5PH
Instagram: @news5everywhere
Tiktok: https://www.tiktok.com/@news5everywhere
Website: news5.com.ph

Fastest update at www.pinoynetwork.su. Keep checking back for fresh new videos uploaded everyday.